Mîxayîl

Mîxayîl
Serfirîşte firîşteyê di dînê cihûtiyê de firîşteyê di dînê xiristiyaniyê de muqerebûn
Mertal
biguhêre - Wîkîdaneyê biguhêre

Serfirîşte Mîxayîl

Mîxayîl an jî Mîkaîl (bi îbranî: מִיכָאֵל‎ [ˌmixäˈʔel]), Micha'el an Mîkhâ'êl; bi yewnanî: Μιχαήλ, lat. Mikhaḗl; bi latînî: Michael; bi erebî: ميكائيل ,ميكال ,ميخائيل‎‎: Mîka'îl, Mîkâl, Mīkhā'īl) navê serfirîşteyek e ku di dînên dînên birahîmî (cihûtî, filehtî û îslam) de heye. Li rojavayê cîhanê jê re Michael (Mi-ka-el tê wateya "Kî-weke-Xwedê") dibêjin û navekî mêran e. Hersê ol jî wî wekî "milyaketê karên erdê û xwezaya wê digerîne" didin nasandin. Di baweriya îslamê de herwiha ew milyaketê erzanî-bihabûn, xela-dewlemendî, bela-aramiyê îdare dike ye.

Gorî baweriya îslamê

Mîxayîl yek ji çar serfirîşte ye. Peyva "Mikaîl" bi kurdî tê wateya "Qûlê piçûk û hêja yê Xwedê". Li gora dînê îslamê firîşte Mîxayîl bi destûra Xwedê hemû karên gerdûnê bi rê ve dibe. Ew hetanî roja dawiyê ya dinyayê bi karê gerdûnê hatiye vatinandin.

Navê Mîxayîl an Mîkaîl tenê yek car di Quranê de derbaz dibe: "Û kê bibe neyarê Xwedê û firîşteyên wî û pêxamberên wî û Cibrayîl û Mîkaîl, bira bizane ku bi rastî Xwedê jî neyarê xudanenasa ne."