Barış Atay

Barış Atay
Navê rastî	Barış Atay Mengüllüoğlu
Jidayikbûn	22ê îlona 1981ê (42 salî) Wilhelmshaven, Almanyaya Rojava
Esil	Ereb
Hevwelatî	Tirkiye
Perwerde	Zanîngeha Yedi Tepeyê, Zanîngeha Kadir Hasê
Pîşe	Siyasetmedar, lîstikvan
Meqam	endamên Meclîsa Mezin a Neteweyî ya Tirkiyeyê (Hatay, 2018–2018) endamên Meclîsa Mezin a Neteweyî ya Tirkiyeyê (Hatay, 2018–)
Partiya Siyasî	Partiya Demokratîk a Gelan (–2018) Partiya Karkerên Tirkiyeyê (2018–)
Hevjîn	Beste Sultan Kasapoğulları (zw. 2013)
biguhêre - Wîkîdaneyê biguhêre

Barış Atay Mengüllüoğlu yan jî navê ku pê hatiye naskirin Barış Atay, (jdb. 22ê îlona 1981ê li bajarê Wilhelmshaven, Almanyaya Rojava) siyasetmedar û lîstikvanekî tirk ê ku bi eslê xwe ereb e û di sala 2018an wek parlementerê bajarê Xetayê hatiye hilbijartin.

Jînenîgarî

Barış Atay Mengüllüoğlu, di sala 1981ê de li Almanyayê ji dayik bûye û heta sala 1999an li navçeya Mengüllü ya Xetayê jiyan kiriye. Li Beşa Biyolojî ta Zanîngeha Çukurovayê de dest bi xwendina lîsansê kir, lê ji ber meraqa şanoyê û jêhatiya xwe yê şanoyê, di sala dawî ya xwendina xwe de, dev ji xwendina xwe berdaye. Piştre diçe bajarê Stenbolê û dest bi xwendina Beşa Şanoyê ya Zanîngeha Yedîtepeyê de dike û beşa şanoyê ya vê zanîngehê diqedîne. Di sala 2011ê de li Zanîngeha Kadir Hasê di beşa Sînema-TVyê de dest bi masterê kir.

Kariyera hûnerî

Bariş Atay Mengüllüoğlu di destpêkê de di rêzefîlma Hacı ve Şöhret de lîstiye. Di fîlmên wekî Kavuk û Zincirbozan de rol wergirtiye. Wî bi karakterê Saffet ku di rêzefîlma bi tirkî ya Arka Sıradakiler de lîstiye, bal kişandiye.

Kariyera siyasî

Bariş Atay di lîsteya Partiya Demokratîk a Gelan ji bo hilbijartinên giştî yên sala 2018an a Tirkiyeyê bû namzetê parlamenteriyê. Li gorî encamên hilbijartina 24ê hezîrana sala 2018an wekî parlamenterê Xetayê hat hilbijartin. Di 11ê çiriya pêşîn a sala 2018an de bi Erkan Baş re ku serok û damezrînerê Partiya Karkerên Tirkiyeyê ye, tevlî Partiya Karkerên Tirkiyeyê bûn.