Ferhad Shakely
| Jidayikbûn | |
|---|---|
| Hevwelatî | |
| Perwerde |
Zanîngeha Uppsalayê (en) Zanîngeha Stockholmê (en) Zanîngeha Bexdayê |
| Pîşe |
Ferhad Shakely, ango Ferhad Şakelî, nivîskar û helbestvanekî kurd e[1].
Ferhad Şakelî di sala 1951ê de li başûrê Kurdistanê, li herêma Kerkûkê hatiye dinyayê.
Ew li Kurdistanê di salên 1973–74an de di rojnameya Birayetî de dixebite û li Swêdê jî di hundirê deh–panzdeh salan de bi kurdî û swêdî du kovaran Svensk–Kurdisk Journal 1985–1989 û Mamostay Kurd 1985–1996 derdixe. Di destpêka salên 1970î de li zanistgeha Bexdayê ziman û edebiyata kurdî kurdî xwendiye. Di salên 1974-1975an de pêşmerga bû. Li pey belavbûna şoreşa Kurdistanê du salan li Sûrî û Libnanê mijûlê karê siyasî û çandî bû. Di sala 1977an de hat Almanyayê û nêzîkî salekê li wê derê ma, paşî hat Swêdê.
Wî heta niha heşt kitêbên şiîran û kitêbeke kurteçîrokan bi kurdî weşandine û heft kitêbên zarokan jî ji swêdî wergerandine zimanê kurdî.[çavkanî hewce ye] Wî bi swêdî jî kitêbeke helbestan û du antolojî weşandine. Wekî din bi nave Kurdish Nationalism in Mem û Zîn of Ahmed–i Khani kitêbeke bi îngilîzî derxistiye û şiîran wî hatine wergerandin bo zimanên înglîzî, swêdî, erebî, farsî, îtalî, îslendî û tirkî bûne[2].
Ferhad Şakelî yek ji zimannas û kurdîzanên herî navdar, naskirî û berhemdar yên Kurdistanê ye. Ew herdu zaravayên kurdiya başûr û bakur (soranî û kurmancî) baş dizane û dersa rêziman û edebiyata kurdî dide û ta niha gelek vekolînên zanistî liser edebiyat, dîrok, fîlozofî û tesewuf li Kurdistanê bi înglîzî û kurdî belav kiriye.[çavkanî hewce ye] Şakelî herweha fêrî zaravayên Hewramî û zazakî jî dike.
Ew niha (2012) li Swêdê dimîne û li Zanîngeha Uppsalayê mamostetiya zimanê kurdî dike.
Çend berhemên wî[biguhêre | çavkaniyê biguhêre]
- (1985) (kurdî) Kurdistan le dilî minda ye, Invandrarförlaget, Borås, Swêd.
- (1986) (swêdî), (kurdî) Goran: Tårar och konst/Firmêsk û huner, Azad, Spånga, Swêd.
- (1991) (swêdî) Doften av mitt lands moln: kurdisk poesi, Swêd.
- (1992) (inglîzî) Kurdish Nationalism in Mam û Zîn of Ahmed–i Khani, Kurdish Institute of Brussels, Bruksel, Belçîka.
- (1998) (swêdî) En pärla i drömmens grumliga damm, APEC, Swêd.
- (2011) (swêdî) Kurdistan berättar: fåglarna återvänder till bergen, Swêd.
- (2015) (swêdî) Avlägsenhetens strängar, Lindelöws bokförlag, Göteborg, Swêd.
- (2016) (inglîzî) The Modern Kurdish Short Story, Acta Universitatis Upsaliensis, Uppsala, Swêd.
